Hleð Viðburðir

« Allt Viðburðir

  • This event has passed.

Námskeið fyrir stjórnendur sumarnámskeiða – Dagur 1

3. júní l 10:00 - 14:30

kr3000

Dagur 1 – mánudagurinn 3. júní

Fyrri dagur í námskeiðum stjórnenda hjá Skátamiðstöðinni, 3000 krónur er sameiginlegt verð fyrir báða daga.

Vörumerkið „Útilífsskóli skáta“ – 30 mínútur
Stutt kynning og umræður um ásýnd og samrekstur vörumerkis útilífsskólans.

Námskeið frá a til ö – 75 mínútur
Farið verður ofan í saumana á námskeiðsfyrirkomulaginu ásamt góðum siðum og venjum til að hafa í huga og tileinka sér sem stjórnandi námskeiðs. Rætt verður um algengustu dagskrárliði útilífsskólans og hvað beri að hafa í huga í kringum þá. Hvernig skuli ferðast með hóp barna og helstu reglur sem okkur eru settar s.s. af strætó, sundlaugum og öðrum aðilum sem við vinnum með í starfinu.
Öll námskeiðsgögn, upplýsingar sem eru kynntar og verkfæri verða gerð aðgengileg með rafrænum hætti fyrir skólastjórnendur.

Matarhlé – 30 mínútur
Stjórnendur geta skotist út á nálæga staði einnig er Bónus verslun við hlið Skátamiðstöðvarinnar, allir eru hvattir til að taka mat fremur með sér aftur í Skátamiðstöðina en að ljúka við að borða úr húsi svo minnstar líkur séu að seinagangur raski tímaplönum annarra þátttakenda námskeiðsins.

Dagskrármöguleikar í nærumhverfinu – 45 mínútur
Förum yfir vinsæl dagskrársvæði í nærumhverfi höfuðborgarsvæðisins. Hvaða samgöngumöguleikar eru á svæðin, hvaða möguleika svæðin bjóða upp á, hvaða dagskrá hefur áður verið keyrð út frá þeim. Ræðum síðan í sameiningu um aðra skemmtilega möguleika sem fólk þekkir eða hefur reynt áður.

Verkaskipting innan Útilífsskólans – 45 mínútur
Fjallað verður um hið daglega starf skólans út frá hinum mismunandi stöðugildum. Góðar tillögur að verkdreifingu eru kynntar svo tíma allra sé sem best varið og sem minnstar líkur séu að starfsfólk þurfi að sinna verkum utan venjulegra vinnutíma.

„Gott verklag um skipulag og upplýsingagjöf“ – 30 mínútur
Rætt verður um góðar venjur og verklag um skipulag námskeiðs. Hvernig við tryggjum að foreldrar, þátttakendur og starsfólk okkar sé meðvitað um dagskrá vikunnar og hvers vegna er mikilvægt að gera vel í þessum málum. Skólastjórar kynnast siðum frá ýmsum skólum og fá í lokin rafrænt aðgengi að verkfærunum sem verða kynnt í þessum hluta.

Önnur mál – 15 mínútur

Skráning fer fram á skatar.felog.is og verður reikningur sendur í lok námskeiðs til skátafélaganna.

Upplýsingar

Dagsetn:
3. júní
Tími
10:00 - 14:30
Verð:
kr3000

Skipuleggjendur

BÍS
SSR

Staðsetning

Skátamiðstöðin
Hraunbæ 123
Reykjavík, 110 Iceland
+ Google Map
Sími:
5509800
Vefsíða:
www.skatarnir.is