Umsóknarfrestur Crean Vetraráskorun til 10. sept 2014

Bandalag íslenskra skáta auglýsir eftir umsóknum um þátttöku í Crean-vetraráskoruninni árið 2014-2015. Tveggja vikna útivistarævintýri og áskorun fyrir ungt fólk á aldrinum 14-15 ára (fæddir 1999-2000). Crean vetraráskorun hefur verið haldið síðustu þrjú ár. Verkefnið hefur verið gríðar vel sótt og þátttakendur sammála um að það sé bæði spennandi og skemmtilegur viðburður. Verkefnið verður kynnt í Skátamiðstöðinni, Hraunbæ 123, mánudaginn 1.september kl.18:00. Kynningin er í höndum verkefnisstjórnar og þar mæta þátttakendur síðustu ára og segja frá reynslu sinni. Áhugasamir geta einnig haft samband við Silju í s.841 1575 eða með tölvupósti (siljathorsteins@gmail.com). Allir dróttskátar eru hvattir til að kynna sér viðburðinn!

Verkefnið er samstarfsverkefni BÍS, Landsbjargar og Scouting Ireland. Frá Írlandi koma allt að 20 skátar sem farið hafa í gegnum langt umsóknar- og matsferli. Frá Landsbjörgu koma allt að 10 þátttakendur og frá BÍS allt að 10 þátttakendur. Markmið verkefnisins er að þátttakendur verði færir um að bjarga sér í vetrarferðum á fjöllum. Þeir læra undirstöðuatriði fjallaferða og vetrarferðamennsku. Meðal annars skyndihjálp á fjöllum, vetrarferðamennsku, rötun og kortalestur, GPS, næringarfræði ferðamannsins, skálahegðun og ferðareglur í hópferðum, veðurfræði á fjöllum, og ýmislegt annað sem talið er skipta máli. Verkefnið skiptist í vetrarferðir og verkefni unnin í frítíma. Ferðirnar eru:

  • Nóvember 2014 – Helgi í nágrenni höfuðborgarsvæðisins. Inni og útiverkefni í vetrarferðamennsku.
  • Janúar 2015 – Helgi í nágrenni höfuðborgarsvæðisins. Gönguferð og verkefni í vetrarferðamennsku.
  • Vikan 13.-20. febrúar 2015  – Úlfljótsvatn og Hellisheiði. Verkefni og vetrarferð. Vikutími þar sem þátttakendur gætu þurft að taka frí í skóla.

Þátttakendur þurfa að mæta í allar ferðirnar. Auk ferðanna þurfa þátttakendur að vinna heimaverkefni í formi leiðarbóka. Verkefnin eru á sviði vetrarferðamennsku, sjálfskoðunar, markmiðasetninga og samfélagsvinnu. Vinna þarf öll verkefnin á tilsettum tíma til að geta haldið áfram í áskoruninni. Verkefnisstjórnin áskilur sér rétt til að enda þátttöku ef að þátttakendur standa skil á verkefnum eða sýna að þeir hafa ekki getu eða vilja til að ljúka verkefninu. Kostnaður við ferðina er 39.000 á mann. Innifalið í því er allur matur í öllum ferðunum, gistingar og ferðir til og frá Skátamiðstöðinni. Þátttakendur þurfa sjálfir að koma sér í Hraunbæ 123 og heim aftur. Þátttakendur þurfa að hafa allan helsta búnað til vetrarferða s.s. góðan skjólfatnað, svefnpoka sem þolir vetrarveður, bakpoka og gönguskó. Ekki er nauðsynlegt að eiga klifurbúnað, ísaxir, brodda, skíði, tjöld eða eldunarútbúnað.

Takmarkaður fjöldi þátttakenda kemst að í verkefninu. Umsóknir og umsagnir ráða úrslitum um hverjir eru teknir inn. Það er því mikilvægt að leggja mikið í umsóknina. Umsækjendur þurfa jafnframt að gera sér grein fyrir að ætlast er til 100% þátttöku bæði í ferðum og í verkefnavinnu. Umsókn: Þeir sem áhuga hafa á að taka þátt í Crean- vetraráskorun þurfa að sækja um fyrir 10. september, Skátarnir þurfa að skila skriflegri umsókn sem þeir skrifa sjálfir þar sem fram þurfa að koma eftirfarandi atriði:

  • Verkefni innan skátahreyfingarinnar.
  • Bæði foringjastörf (ef einhver) og verkefni s.s. ferðir og útilegur (Jamboree, fjallaferðir og annað slíkt).
  • Hvers vegna villtu taka þátt í Crean-vetraráskoruninni?
  • Hvernig telur þú að verkefnið muni nýtast þér í framtíðinni?
  • Hvernig muntu nýta það sem þú lærir fyrir skátana?

Þessi skriflega umsókn er einn af mikilvægustu þáttunum sem stjórnendur viðburðarins líta til við inntöku þátttakenda og því er mikilvægt að vanda hana eins vel og kostur er og koma inn á alla áðurnefnda þætti.

Skila þarf eftirfarandi fylgigögnum: Leyfisbréfi frá foreldrum sem hægt er að finna hér neðar (taka þarf fram að umsækjandi fái frí í skóla sé það nauðsynlegt) Umsögn frá skátaforingja og félagsforingja Umsóknum og fylgigögnum skal skilað á tölvupósti á netfangið siljathorsteins@gmail.com.

Berist ekki eitthvað af þessum þrem þáttum umsóknarinnar (skrifleg umsókn, leyfisbréf og umsögn frá foringjum) telst umsóknin ekki gild.

Fyrir hönd Crean-teymisins,

Silja Þorsteinsdóttir.

 

:: Leyfisbréf vegna Vetraráskorun Crean

ENGIN UMSÖGN

Skilja eftir svar