Skátaþing hófst í kvöld og fyrir því liggja grundvallarbreytingar á lögum Bandalags íslenskra skáta (BÍS) og ný heildarstefnumótun.
Þingið er haldið í Fjölbrautarskólanum á Selfossi og í kvöld eru um 150 þátttakendur mættir og taka þátt í hefðbundum aðalfundarstörfum, tillögur verða bornar upp, gengið verður til kosninga og ársskýrsla stjórnar BÍS lögð fram, sem og reikningar.
Bragi Björnsson skátahöfðingi ásamt þeim sem voru heiðraðir. Haukur Haraldsson, Atli Smári Ingvarsson og Tryggvi Marinósson.
Erlendi Kristjánssyni var færður virðingarvottur
Nokkrir einstaklingar voru heiðraðir í upphafi þings. Haukur Haraldsson, Atli Smári Ingvarsson og Tryggvi Marinósson voru sæmdir heiðursmerkjum og Erlendur Kristjánsson sem starfaði um árabil í mennta- og menningarmálaráðuneytinu fékk viðurkenningarvott frá skátum, en hann hefur verið skátum mjög hliðhollur og skilur gildi starfsins.
Gildin á Akureyri fengu viðurkenningu fyrir frábær og ómetanleg störf í tengslum við þau landsmót sem haldin hafa verið á Akureyri. Þá voru nýjum félagsforingjum afhent erindisbréf sín.
Þó formfesta sé á fundinum er létt yfir gestum og góður tónn í ræðum.
Í kvöld verða lögð fyrir þingið það sem kallað hefur verið „stóru málin“ í lagabreytingatillögum, en á morgun farið nánar í einstaka þætti. „Stóru málin“ sem rædd verða í kvöld eru þrjú. Í fyrsta lagi eru það ákvæði um félagsaðild að BÍS, í öðru lagi að tvískipta lögum í grunnlög sem krefjast aukins meirihluti til breytinga og almenn lög sem auðveldara er að breyra og halda í takt við tímans dægurflug, í þriðja og síðasta lagi er stillt fram tveimur möguleikum um hvernig verður kosið til stjórnar BÍS. Hvort stjórn verði í framtíðinni kosin í heild á einu þingi eða verði endurnýjuð að hluta á hverju þingi eins og nú er.
Félagsforingjar fengu skipunarbréf
Í fyrramálið verður lögð fram stefnumótunartillaga og er betur sagt frá því í frétt sem birtist fyrr í vikunni. Sjá frétt um stefnumótun: Skátar horfa til framtíðar
