Mikill fjöldi fagnaði með Fossbúum

Skátafélagið Fossbúar á Selfossi fagnaði 70 ára afmæli á þessu  ári en félagið var stofnað 28. júlí 1944. Af því tilefni var slegið upp afmælisveislu á Landsmóti skáta í sumar, en Fossbúar vildu líka gefa bæjarbúum sem ekki voru á landsmótinu kost á því að fagna með sér þessum áfanga og því var einnig haldin afmælisveisla í Fjölbrautaskóla Suðurlands á Selfossi sunnudaginn 23. nóvember og þangað mættu margir.

Skátaskemmtun með heimatilbúnum skemmtiatriðum

„Afmælisveislan var tvíþætt,“ segir Inga Úlfsdóttir, félagsforingi. „Fyrst var skátaskemmtun þar sem sungnir voru skátasöngvar, skátarnir í félaginu fluttu heimatilbúin skemmtiatriði, viðurkenningar voru veittar og félaginu færðar góðar gjafir. Seinni hlutinn var svo kaffiboð þar sem öllum viðstöddum var boðið að þiggja kaffi og kökur“.

„Við erum afskaplega ánægð með daginn,“ segir Inga, „það komu um 300 gestir og allir voru svo glaðir og ánægðir og við finnum svo mikinn meðbyr með félaginu hvert sem við komum.“

 

fossb i frett

Stofnfélagar ásamt núverandi félagsforingja og aðstoðar skátahöfðingja

Stofnfélagar voru heiðraðir

Á skátaskemmtuninni voru eftirtaldir stofnfélagar Fossbúa heiðraðir með Skátakveðjunni úr gulli auk þess sem þeir voru gerðir að heiðursfélögum Fossbúa.

Leifur Eysteinsson, stofnfélagi Fossbúa

Gunnar Gunnarsson, stofnfélagi Fossbúa

Friðrik Friðriksson, stofnfélagi Fossbúa

Þorbjörg Sigurðardóttir,  stofnfélagi Selstúlkna, sem seinna sameinuðust Fossbúum

Gunnhildur Þórmundsdóttir, stofnfélagi Selstúlkna, sem seinna sameinuðust Fossbúum

 

 

Auk þess voru eftirtaldir gerðir að heiðursfélögum Fossbúa:

Guðni Andreasen, bakari og velgjörðarmarður

Valdimar Valdimarsson, fv. félagsforingi Fossbúa

Margrét Sigurðsson, fv. félagsforingi Fossbúa

Ágústa Ólsen, fv. félagsforingi Fossbúa

Elsa Sigurðardóttir, fv. félagsforingi Fossbúa

Halldór Ingi Guðmundsson, fv. félagsforingi Fossbúa

Elín Esther Magnúsdóttir, fv. félagsforingi Fossbúa

Karen Öder Magnúsdóttir, fv. félagsforingi Fossbúa

Ármann Ingi Sigurðsson, fv. félagsforingi Fossbúa

Auður Lilja Arnþórsdóttir, fv. félagsforingi Fossbúa

 

Fossbúar þakka öllum sem hafa samglaðst þeim á þessum tímamótum og hlakka til áframhaldandi öflugs skátastarfs.

ENGIN UMSÖGN

Skilja eftir svar