Laust starf: Þjónustufulltrúi Skátamiðstöðvarinnar

Skátamiðstöðin leitar að þjónustufulltrúa í fullt starf við vinnu við fjölþætt skrifstofustarf, verslunarrekstur og  verkefnastjóra fyrir mismunandi vinnuhópa innan skátahreyfingarinnar.

Leitað er eftir aðila sem á auðvelt með að vinna í hópastarfi, getur unnið sjálfstætt, sýnir frumkvæði og á auðvelt með að vinna með ungu fólki.  Um er að ræða fullt starf með aðstöðu í Skátamiðstöðinni í Hraunbæ í Reykjavík. Vinnutími er allajafna frá 9-17 alla virka daga.

Starfssvið m.a.

  • Annast almenna móttöku, umsjá með kaffistofu, símsvörun og skjalavörslu
  • Annast reikningagerð og skráningum á viðburði
  • Sjá um ,,Endurfundi skáta“ samkomu fyrir heldri skáta
  • Annast almenn samskipti við skáta og aðildarfélög
  • Sjá um verslunarrekstur á skátavörum
  • Stýra verkefna- og vinnuhópum um málefni skátahreyfingarinnar
  • Sjá um heimasíðumál, þriðjudagspóst og innsetningu frétta.

Hæfniskröfur

  • Góð almenn tölvukunnátta (ritvinnsla – gagnagrunnar)
  • Góð mannleg samskipti
  • Sjálfstæð vinnubrögð og frumkvæði
  • Æskilegt að hafa starfað sem skáti

Skátamiðstöðin þjónustar skátafélög landsins, annast útgáfumál, fræðslumál, alþjóðleg samskipti, fjáraflanir, sameiginlega viðburði og önnur þau verk sem lítur að rekstri landshreyfingar æskulýðssamtaka.  Hjá Skátahreyfingunni starfar samhentur hópur atvinnufólks og sjálfboðaliða að því að efla skátastarf í landinu.

Áhugasömum er bent á að senda umsóknir og/eða fyrirspurnir á netfangið: hermann@skatar.is.  Allar nánari upplýsingar er hægt að fá hjá Hermanni, framkvæmdastjóra, í síma 550-9800.

Umsóknarfrestur er til og með 1. maí

 

ENGIN UMSÖGN

Skilja eftir svar