Allar tilkynningar og annað sem skrifað er.

Ætlar þitt félag að vera með flottasta hliðið á Landsmóti skáta í sumar??

Komdu þá á fræðslukvöld, fimmtudaginn 20. mars í Skátamiðstöðinni kl. 19.30 og lærðu handtökin við að súrra og hanna hlið og aðrar skemmtilegar lausnir sem hægt er að nota í skátastarfinu þínu.Skráning hafin Ekki missa af þessu. Skráðu þig strax hér og taktu með þér vin!

Bein útsending frá kvöldinu hér

Kíktu á skemmtilega frétt um kvöldið hér

 

Útilífsmiðstöð skáta Úlfljótsvatni býður upp á spennandi námskeið fyrir skáta.

Boðið verður upp á námskeið í útieldun þann 1. maí, 3. maí og 10. maí.  Á námskeiðunum verður farið í útieldun og sérstök áhersla lögð á að kenna notkun á þeim búnaði sem að BÍS selur s.s. hollendingum (dutch oven) og murrikka pönnum. Allir læra að kveikja eld og vinna með hann. Skemmtilegt námskeið sem hentar vel fyrir skáta og aðra sem hafa áhuga á að vinna með útieldun.

Þann 4. Maí verður boðið upp á námskeið í öryggisatriðum fyrir klifurturninn á Úlfljótsvatni. Námskeiðið verður skylda fyrir þá sem að vilja fara með skáta í turninn.

Þann 10. maí verður boðið upp á námskeið í öryggisatriðum fyrir báta á Úlfljótsvatni. Námskeiðið verður skylda fyrir þá sem vilja fara með skáta á báta á Úlfljótsvatni.

Upplýsingar og skráning er á vefnum okkar www.ulfljotsvatn.is

Umsjón með sumarstarfi barna

Skátafélagið Vífill í Garðabæ auglýsir eftir umsjónarmanni sumarnámskeiða félagsins. Félagið hefur rekið útilífs- og ævintýranámskeið fyrir börn á aldrinum 5 – 14 ára í 25 ár og eru þau jafnan vinsæl og vel sótt.
Námskeiðin standa yfir í átta vikur á tímabilinu 10. júní og fram til 15. ágúst. Umsjónarmaður þarf að geta hafið störf eigi síðar en í lok maí. Hann er faglegur stjórnandi námskeiðanna og stýrir hópi ungmenna sem við þau starfa. Æskilegt er að umsjónarmaður sé 25 ára eða eldri.

Helstu verkefni eru:
að skipuleggja og reka skemmtilega og ögrandi dagskrá fyrir þátttakendur
að skipuleggja og halda utanum vinnu leiðbeinenda og gera vinnuskýrslur
að halda utanum þátttakendur og greiðslur fyrir námskeiðin
að sjá til þess að nauðsynleg efni og áhöld séu til staðar
að gæta þess að fyllsta öryggis sé gætt í starfi með börnunum
að vera tengiliður við yfirmenn sumarstarfs hjá Garðabæ
annað er tengist rekstri og framkvæmd námskeiðanna

Hæfniskröfur og menntun:
góð samskiptahæfni og áhugi á að vinna með börnum og ungmennum
þekking og reynsla af skáta- og tómstundastarfi
skipulagshæfileikar, snyrtimennska, hugmyndauðgi og glaðværð
menntun á sviði uppeldis- og tómstundafræða er æskileg
reynsla af stjórnun og starfsmannahaldi er æskileg

Til greina kemur að tveir einstaklingar deili með sér starfinu og skipti með sér verkum í samráði við stjórn Vífils.
Umsóknir skal senda á vifill@vifill.is . Nánari upplýsingar veitir starfsmaður félagsins í síma 899-0089 eða í tölvupósti.
Umsóknarfrestur er til 22. mars.

 

Endurfundir skáta verða núna á mánudaginn, 10. mars, í Skátamiðstöðinni, Hraunbæ 123

Guðmundur Finnbogason, framkvæmdastjóri Úlfljótsvatns ætlar að koma og segja okkur frá framkvæmdum og breytingum á Úlfljótsvatni.

Húsið opnar kl. 11:30 og súpan borin fram kl. 12:00

Hlökkum til að sjá ykkur