Efni sem á að fara í stóra myndarammann efst á forsíðunni.

Alþjóðlegur dagur sjálfboðaliðans er í dag, 5. desember. Það eru yfir 10 milljón sjálfboðaliðar í skátahreyfingunni og hlutverk þeirra er að styðja við ungmennastarfið og deila út jákvæðum boðskap skátanna í verki. Íslenskir skátar unnu þrekvirki við undirbúning og framkvæmd World Scout Moot í sumar og sýndu þar sannkallað fordæmi í verki sem mun veita innblástur um ókomna tíð.

Nú er komið að verkefni sem hefur verið í gangi í yfir 100 ár og það er að styðja við störf sveitarforingja. Sveitarforingjar í skátastarfi eru mikilvægustu sjálfboðaliðarnir í skátahreyfingunni og verkefni sjálfboðaliða ársins 2018 er að styðja við þeirra störf.

Jakob Guðnason hefur verið ráðinn staðarhaldari Útilífsmiðstöðvar skáta á Úlfljótsvatni og mun hann hefja störf 1. febrúar n.k.

Jakob hefur starfað lengi í skátahreyfingunni og gegnt mörgum trúnaðarstörfum. Hann var í núverandi stjórn BÍS en hefur nú sagt sig frá þeim störfum.

Jakob hefur fjölbreytta starfsreynslu og kemur úr starfi sem afgreiðslustjóri hjá Set hf. Hann starfaði sem dagskrárstjóri við Útilífsmiðstöð skáta á árunum 2010-2013.

Skátar bjóða Jakob velkominn til starfa.

Síðastliðinn laugardag, 4. nóvember, áttu fálkaskátar á Suðurlandi frábæran dag í Laugardalnum þar sem þeir tóku þátt í Fálkaskátadeginum. Í ár var dagurinn samstarfsverkefni skátafélaganna Skjöldunga og Garðbúa.

Hressir Mosverjar í Ásabolta.

 

Það voru hátt í 70 skátar sem mættu í Goðheima og þurftu skátarnir að takast á við hinar ýmsu þrautir eins og Ásabolta, Mjölniskast, Skátatafl, Fenrisúlfinn og fleira. Þema dagsins var einmitt norræn goðafræði og því var dagskráin í takt við það.

 

(Óskar) Þór með Mjölni.

 

Þrátt fyrir kalsaveður og vind skemmtu krakkarnir sér við að kynnast goðafræðinni nánar og enduðu daginn á síðdegisvöku…. sem er eins og kvöldvaka nema fyrr um daginn… svona ef þið voruð að velta því fyrir ykkur!

Áður en Bræðralagssöngurinn var sunginn og deginum slitið fengu krakkarnir kakóbolla og kex til að hlýja sér fyrir heimferðina.

 

 

 

 

Hér má finna fleiri myndir af deginum.

 

Skátastarf á Íslandi er 105 ára í dag og það er hægt að líta björtum augum til framtíðar. Skátastarf á erindi til ungmenna í dag alveg eins og það gerði fyrir hundrað árum. Það er verkefni okkar sem að skátastarfi stöndum að tryggja það að skátastarf sé traustur og öruggur vettvangur fyrir ungmenni til að eiga margar af bestu stundum lífs síns, öðlast aukið sjálfstraust, meiri víðsýni, meiri gleði og vaxa á alla vegu. Það tryggjum við með því að gera hlutina vel og hlúa að kjarnanum. Ef kjarninn er í lagi stækkar hann af sjálfu sér.

Til hamingju með afmælið!

Marta Magnúsdóttir,
skátahöfðingi

Jóhanna Björg Másdóttir og Ásgeir R Guðjónsson hafa tekið að sér fararstjórn á World Scout Jamboree 2019.

Þessar vikurnar er verið að kynna Jamboree í skátafélögunum og hvetjum við öll skátafélög til að hafa samband við Jóhönnu og Ásgeir til að fá kynningu og nánari upplýsingar um mótið.

Heimasíða með upplýsingum um Jamboree 2019 fer fljótlega í loftið – fylgist með á www.skatamal.is og á facebook.

Svo má líka senda fyrirspurnir á jamboree2019@skatar.is

Ungmennastarf Rauða krossins ætla að setja upp leikinn „Á Flótta“ þann 4. nóvember nk. Þau vilja fá með sér skáta á rekka- og róverskátaaldri, þ.e. frá 15 ára, sem þátttakendur í leiknum.

Leikurinn fer fram í Klébergsskóla á Kjalarnesi þann 4. nóvember næstkomandi. Þátttakendur eru settir í spor flóttafólks í þann tíma sem leikurinn tekur, og ganga í gegn um raunir á borð við erfið ferðalög og óvissu um örlg sín. Markmiðin eru að efla samkennd ungs fólks á Íslandi með flóttafólki, og kveikja áhuga og eldmóð á þeim málaflokki. Leikinn teljum við minnisstæða upplifun sem sé betur fallinn til þess heldur en fræðsla af öðru og rólegra tagi.

Leikurinn verður haldinn eins og áður er ritað, í Klébergsskóla á Kjalarnesi og hefst laugardaginn 4. nóvember kl 19:00 og tekur um 12 klst. í spilun. Boðið verður upp á rútu frá Reykjavíkursvæðinu fyrir þátttakendur.

Pláss er fyrir 35 þátttakendur í leiknum, fyrstur kemur fyrstur fær.

:: SKRÁNING FER FRAM HÉR HJÁ RAUÐA KROSSINUM

Leikurinn veðrur kynntur fyrir forráðamönnum þátttakenda sem eru yngri en 18 ára vikur fyrir liek, og þurfa þeir sem eru undir 18 ára aldri að skila leyfi foreldra fyrir þátttöku.

Skráningargjald er kr. 1.000,-

Frekari upplýsingar hjá thorsteinn@redkross.is